XX. mendeko Euskararen Corpus estatistikoa

Testuingurua

Maiztasun erlatiboaren garrantzia ondoko beste printzipio honetatik etortzen da ere:

Experientzi kopurua handitzen denean, gertaera konkretu baten erlatiboa eta probabilitate teorikoa elkarrengana asko hurbiltzen dira.

Txanpon bat botatzean, aurpegi-kopurua eta gurutzeena berdinak izatea espero dugu; agian proba hori gutxitan egiten bada hori ez gertatzea posible da; baina txanpona botatzen jarraitzen badugu maiztasun erlatiboa 0,5 baliora hurbiltzen dela ikusiko dugu.

Maiztasun erlatiboaren balioari gertaeraren probabilitatea esango diogu.

Adibidea: Dado bat 100 aldiz, botatzen badugu eta emaitzak taula batean jasotzen baditugu, zera ikusten da: bi posibilitateen maiztasun erlatiboak 0,5 baliotik gertu daudela; baina 1.000 aldiz bota arte jarraitzen badugu, maiztasun erlatiboen balioak oraindik gertuago daudela ikusiko da.

Egizu proba.

31.5.1.- Gertaera ekiprobableak

Txanpon bat botatzean aurpegi atera eta gurutze atera gertaerek posibilitate berdinak dituzte; zoriaren legeak dioenez, probabilitate berdinaren jabe dira: gertaera hauei ekiprobable izena ematen zaie.

E espazio bat n gertaera ekiprobablez osaturik badago espazio hori uniformea dela esango dugu, eta gertaera bakoitzaren probalitatea 1/n da.

Adibidea: Airetara bi txanpon botatzen baditugu, zein izango da A= (bi aurpegi) eta B= (aurpegi bat eta gurutzea) ateratzeko probabilitatea?

E= (xx, xz, zx, zz) espazioa, lau oinarrizko gertaeraz dago osatua eta uniformea da; gertaera guztiek probabilitate berdina dute izan ere, 1/4 alegia.